ಮನುಜ ಹಿಂಗೆ ಮಾಡಿ ನೋಡ

||ಪ|| ಮನುಜ ಹಿಂಗೆ ಮಾಡಿ ನೋಡ
ನೀನು ಮುಕುತಿ ಪಡೆವೆ ನೋಡ

||1|| ಜಂಬ ತೋರಿ ಬದುಕ ಬ್ಯಾಡ
ಇರುಳ ಒಳಗೆ ಬದುಕ ಬ್ಯಾಡ
ಅರಿವ ಹಂಚಿ ಬದುಕಿ ನೋಡ
ನಲಿವ ನೀನು ಪಡೆವೆ ನೋಡ

||2|| ಹಣದ ಹಿಂದೆ ಓಡ ಬ್ಯಾಡ
ಸುಮ್ನೆ ಕುಂತು ಇರಲು ಬ್ಯಾಡ
ಬುದ್ದಿ ಬಳಸಿ ದುಡಿದು ನೋಡ
ಮನಕೆ ಹರುಶ ಪಡೆವೆ ನೋಡ

||3|| ಸುಳ್ಳು ನಂಜು ಮುಟ್ಟ ಬ್ಯಾಡ
ಬೇದ ಮಾಡಿ ಸಾಯ ಬ್ಯಾಡ
ದಿಟದ ಹೆಜ್ಜೆ ಹಾಕಿ ನೋಡ
ತಿರುಳ ಬದುಕ ಪಡೆವೆ ನೋಡ

||4|| ಸುಮ್ನೆ ಹೊತ್ತ ಕಳೆಯ ಬ್ಯಾಡ
ಕಳೆಯ ತಿಂದು ಕೊಳೆಯ ಬ್ಯಾಡ
ಗುರಿಗೆ ಕಣ್ಣು ನೆಟ್ಟಿ ನೋಡ
ಯಶವ ಪಡೆವೆ ನೀನು ನೋಡ

||5|| ಹುಚ್ಚು-ಕಿಚ್ಚು ಹಚ್ಚ ಬ್ಯಾಡ
ದಿಗಿಲ ಕದವ ತೆರೆಯ ಬ್ಯಾಡ
ಸ್ನೇಹ ಜೀವಿ ಆಗಿ ನೋಡ
ಮುಕ್ತಿ ಪಡೆವೆ ನೀನು ನೋಡ