ಗಡಿಯಾರದ ಗಡಿಯಲ್ಲಿ, ಮಾನವನ ಸಮಾಜದ ಗಡಿಯಲ್ಲಿ

ಸ್ನೇಹಿತರೆ, ನಿಮಗೆ ಗೊತ್ತು ಗಡಿಯಾರದಲ್ಲಿ ಮೂರು ಮುಳ್ಳುಗಳಿರುತ್ತವೆ ಎಂದು. ಯಾವ ಯಾವ ಮುಳ್ಳುಗಳೆಂದು ತಮಗೆ ಈಗಾಗಲೆ ತಿಳಿದಿಯೇ ಇದೆ ಅಲ್ಲವೆ? ಅಂತೆಯೆ ಮಾನವನು ರೂಪಿಸಿಕೊಂಡಿರುವ ಸಮಾಜದ ವ್ಯವಸ್ಥೆಯೂ ಸಹ ಮೂರು ಶ್ರೇಣಿಗಳಲ್ಲಿ ಆರ್ಥಿಕ ಉದ್ದೇಶಗಳಿಗಾಗಿ ರೂಪುಗೊಂಡಿವೆ. ಗಡಿಯಾರದಲ್ಲಿ ಹೆಚ್ಚು ಚಟುವಟಿಕೆಯಿಂದ ಸೆಕೆಂಡ್ ಮುಳ್ಳು ಇರುವಂತೆ ಮಾನವನ ಸಮಾಜದ ಗಡಿಯಲ್ಲಿ ಬಡವರು ತಮ್ಮ ಹೊಟ್ಟೆಪಾಡಿಗಾಗಿ ಹೆಚ್ಚು ಚಟುವಟಿಕೆಯಿಂದ ಇದ್ದರೂ ಹೊಟ್ಟೆಗೆ ಸಾಕಾಗದಂತೆಯೇ   ತಿಂದು ಶ್ರೀಮಂತರ ಆರ್ಥಿಕ ಪರಿಸ್ಥಿತಿಯನ್ನು ಉತ್ತಮಪಡಿಸಲು ದುಡಿಯುವುದು ಅನಿವಾರ್ಯವೇ ಆಗಿದೆ. ಇನ್ನು ಮಧ್ಯಮ ವರ್ಗದವರು ನಿಮಿಷದ ಮುಳ್ಳು ಇದ್ದಂತೆ ಅಷ್ಟೇನು ಗಡಿಬಿಡಿಯಾಗಿ ಕೆಲಸ ಮಾಡದೆ ತಮಗಾಗುವಷ್ಟು ಹೊಟ್ಟೆಗೆ ಸಂಗ್ರಹಿಸಿಕೊಳ್ಳುತ್ತಾರೆ. ಗಡಿಯಾರದಲ್ಲಿನ ಮೂರು ಮುಳ್ಳುಗಳು ತಮ್ಮ ವ್ಯಾಪ್ತಿಯನ್ನು ಮೀರಲಾರರು. ಆದರೆ ಮಾನವನ ಸಮಾಜದಲ್ಲಿ ಈ ಮೂರು ವ್ಯವಸ್ಥೆಗಳ ಜನರು ತಮ್ಮ ವ್ಯಾಪ್ತಿಯನ್ನು ಮೀರಬಲ್ಲರು. ಆದರೆ ಮಾನವನ ಸಮಾಜದ ಗಡಿಯಾರವು ನಿಯಂತ್ರಿಸುವುದು ಪ್ರಕೃತಿಯಾಗಿರುವುದರಿಂದ ವಾಸ್ತವಿಕವಾಗಿ  ಗಡಿಯಾರದ ಮುಳ್ಳುಗಳಂತೆಯೇ ಮಾನವನ ಸಮಾಜದಲ್ಲಿನ ಈ ಮೂರು ವ್ಯವಸ್ಥೆಗಳು ಸಾಮರಸ್ಯದಿಂದ ಕೆಲಸ ಮಾಡಬೇಕು. ನಾವೆಲ್ಲರು ನಮ್ಮೊಳಗಣ ಅಹಂಕಾರವನ್ನು ಬಿಡಲು ಮೊದಲು ಶ್ರಮಿಸೋಣ. ಬಳಿಕ ಸಾಮರಸ್ಯದೆಡೆಗೆ ದಾರಿ ಸುಗಮವಾಗುತ್ತದೆ.