ಬೆಡಗಿನ ಕಾನನ
ವಯ್ಯಾರದ ತೋರಣ
ಸಡಗರದಿ ಕೂಡಿದ ಒಲವಿನ ಅಮಲಿನ ಕಲೆಯ ಬಲೆ ಹಳೇಬೀಡು.
ರತಿ ಮನ್ಮತ ಸೇರಿ
ಒಲವಿನುಳುಮೆಯ ಮಾಡಲು ತೊಡಗಿ
ನೋಡಿದವರ ಕಣ್-ಮನ ನೆಲಕೆ
ಒಲುಮೆಯ ಬೀಜವ ಬೆಸೆದು
ನಲಿವನು ನಿಮಿರಿಸುವ ಸೋಜಿಗವ ಮಾಡುತಿಹರು.
ಒಲವಿನ ಲೀಲೆಯ
ಸಲೀಲದಿ ತೋರಿಸಿ
ರೋಮದ ಅಂಚಿಗೆ ರೋಮಾನ್ಚನವ ಹೆಣೆದುಕೊಂಡು
ನೆಮ್ಮದಿಯ ಮುಗಿಲಿಗೆ ಕಯ್ಹಿಡಿದು ಕರೆದೊಯ್ಯಲು
ಶಿಲ್ಪಿಗಳ ಅಣತಿಯಂತೆ ಇಲ್ಲಿ ನಿಂತಿಹರು ಕಲೆಯ ಬಾಲೆಯರು.
No comments:
Post a Comment