ನಾವು ನಿಮ್ಮೊಂದಿಗೆ

|ಪ| ನಾವು ನಿಮ್ಮೊಂದಿಗೆ
ನೀವು ನಮ್ಮೊಂದಿಗೆ
ಎಲ್ಲರು ಎಲ್ಲರೊಂದಿಗೆ
ಒಡಬೆರೆತು ನಾಡಲ್ಲಿ ಬದುಕೋಣ

|1| ಇಲ್ಲಿ ಯಾರೂ ಕೀಳಲ್ಲ
ಇಲ್ಲಿ ಯಾರೂ ಮೇಲಲ್ಲ
ಹುಟ್ಟಿದ್ ಮೇಲೆ ಸಾವಿನ್ ಬಲೆಗೆ ಎಲ್ರು ಸಿಲುಕ್ಲೇಬೇಕು
ಬದುಕೋದ್ ಬದುಕ್ತೀವಿ ಎಲ್ರಿಗಾಗಿ ಬದ್ಕೋಣ

|2| ಏಲ್ರಿಗೂ ಊನ ಇದ್ದದ್ದೆ
ಸಿಟ್ಟಿಂದ ಗೊಣಗೋದು ಯಾತಕ್ಕೆ
ಹೀಗೆಳೆಯೋದ ಬಿಡೋಣ
ಹೆಗಲಿಗೆ ಹೆಗಲ ಕೊಟ್ಟು ಬದುಕೋಣ

|3| ಗಟ್ಟಿ ಮನಸ್ಸು ಮಾಡೋಣ
ತರತಮದ ನಾಡ ಅಳಿಸೋಣ
ಹಸಿರ ನೆರಳಲಿ ಬದುಕೋಣ
ಬೇದ ತೋರದೆ ಎಲ್ಲರ ನಡುವೆ ಬಾಳೋಣ.