ಕನ್ನಡಿಯ ಬಿಂಬವಿದು ಗರ್ವಬಿಡು ನರಮನುಶ

||ಪ|| ಕನ್ನಡಿಯ ಬಿಂಬವಿದು ಗರ್ವಬಿಡು ನರಮನುಶ

||1|| ನಿನ್ನೊಳಗೆ ಕಡುಹಗೆಯು ಅಣಕಿಸುತ ಕೂತಿರಲು
ಅನುಗಾಲ ನಿನ್ನೊಡನೆ ನಾಹೇಗೆ ಜೀವಿಸಲಿ?
ಅನುಗಾಲ ನನ್ನೊಡನೆ ಹರುಶದಲಿ ಜೀವಿಸಲು
ಒಳಗಿರುವ ಕಡುಹಗೆಯ ಕೊನೆಗೊಳಿಸಿ ಬಿಳಿಯಾಗು.

||2|| ನಿನ್ನದೇ ಆರ‍್ಬಟವು ನನ್ನನ್ನು ಮುಚ್ಚಿರಲು
ಗುಡಿಗಡಿಯ ಜಗಳಗಳ ನಡುವಲ್ಲಿ ನಾನೇಕೆ ಜೀವಿಸಲಿ?
ಅನುದಿನವು ನನ್ನೊಡನೆ ಒಂದಾಗಿ ಜೀವಿಸಲು.
ಗುಡಿಗಡಿಯ ಜಗಳಗಳ ಆರ‍್ಬಟವ ಕೊನೆಗೊಳಿಸು.

||3|| ನಿನ್ನದೇ ಹಸಿರೆಲ್ಲ ನನ್ನಲ್ಲಿ ಉಸಿರಿಲ್ಲ
ರೋಗವನು ಕಕ್ಕುತ್ತ ಎಲ್ಲೆಲ್ಲಿ ಪಯಣಿಸಲಿ?
ಸುದೆಬೆರೆತ ದಾರಿಯೊಳು ನನ್ನೊಡನೆ ಪಯಣಿಸಲು
ನನ್ನದೇ ಹಸಿರನ್ನು-ಉಸಿರನ್ನು ನೆಲೆಗೊಳಿಸು.

||4|| ನನ್ನದೇ ದ್ಯಾನಕ್ಕೆ ನಿನ್ನದೇ ನಿಯಮಗಳು
ತಪಹೊತ್ತ ಅರಿವಿಲ್ಲ ಯಾವಾಗ ನಾಬರಲಿ?
ನಾನಿರುವ ಒಂತನದ ಲೋಕಕ್ಕೆ ನೀಬರಲು
ತಪಹೊತ್ತ ಅರಿವನ್ನು ನೀಮೊದಲು ಗುರುತಿಸಿಕೊ.

||5|| ತನುಮನವ ಬೆಳಗೆಂದು ನನ್ನನ್ನು ಪೂಜಿಸುವೆ
ನಿನ್ನದೇ ತನುಮನವ ಬೆಳಗೋಕೆ ನಾಯಾರು?
ಕೆಡಕುಗಳ ಬಯಸುವುದ ನೀಮೊದಲು ಬಿಟ್ಟುಬಿಡು
ತನ್ತಾನೆ ತನುಮನವು ಒಳಿತಲ್ಲಿ ಹೊಳೆಯುವುದು.