ನಂಬಿಕೆಯ ಕೀಲಿಯೇ ಮುರಿದಿರುವ ಊರಲ್ಲಿ

ನಂಬಿಕೆಯ ಕೀಲಿಯೇ ಮುರಿದಿರುವ ಊರಲ್ಲಿ
ನಿಂತಿರುವ ಬೂಮಿಯೇ ಬಿರಿತಿರುವ ಲೋಕದಲಿ
ನೆಮ್ಮದಿಯ ಹುಡುಕಾಟ, ಬಣಬಣದ ಚೀರಾಟ

ಬಿಚ್ಚಿಡುವ ಬಯಕೆಯಲಿ ಸತ್ತಿರುವ ತುಡಿತಗಳು
ಹಚ್ಚನೆಯ ಬಾಯಿಯಲಿ ಬಗ್ಗಡದ ಮಾತುಗಳು
ಕೊಚ್ಚೆಯಲಿ ಮಲಗಿರುವ ದಿಟವಾದ ಹೆಜ್ಜೆಗಳು

ದಿಬ್ಬದಲಿ ಕೊಲೆಗೆಡುಕ ಕಂಡಾಗ ಕುರಿಯಾಗಿ
ದಬ್ಬಳವು ಚುಚ್ಚಿದರು ಬೇಡುವರು ನಲಿವನ್ನು
ಹಬ್ಬದಲಿ ತಳಿರಿಲ್ಲ ನೀರಸವೆ ಜೀವಾಳ

ಗಿಡಗಳಲಿ ತೇವವಿಲ ಹೊಟ್ಟೆಯಲಿ ರಕ್ತವಿಲ
ಗೆಳೆತನದ ಸಂಬಂದ ಗೆದ್ದಲಿನ ಗೂಡಾಗಿ
ಹಗೆಮೋಸ ನಂಬಿಕೆಯ ದೀಪವನು ಕರಗಿಸಿದೆ

ನೆಮ್ಮದಿಯ ಬಾಳುವೆಗೆ ಕೆಟ್ಟವನು ಅಳಿಸೋಣ
ನಂಬಿಕೆಯ ಕೀಲಿಯನು ನೆಮ್ಮದಿಯ ಬೀಗಕ್ಕೆ
ಹೊಂದಿಸುವ, ಒಡಬೆರೆತು ಒಂತನದಿ ಬದುಕೋಣ